- 24 -

1262, April 12. Breslau.

Herzog Heinrich III. von Schlesien verträgt den Abt und die Brüder des Klosters mit dem Grafen Mrosco und dessen Bruder Gerlach über beiderseitige Ansprüche an mehreren Dörfern.

In nomine domini amen. Universa negocia que stare cupiunt in statu solido litterarum fiunt testimonio firmiora. Igitur nos Heinricus dei gracia dux Slezie protestamur universis nunc existentibus et in posterum successuris, quorum audientie presens scriptum defferetur, quod nostra in presentia abbas dominus Lodevicus de Camenez cum fratribus eiusdem domus, cum villam Pantnovo a domino Gerlaco et fratre ipsius comito Mroscone requirerent, quam pie recordationis patruus ipsorum dominus Ianusius domui de Camenez divina inspirante gracia contulerat, concordaverunt in hunc modum videlicet, quod pro villa Pantnovo abbas et fratres de Camenez habeant in restaurum villas duas Kydlini et Meznicovo nunccupatas iure hereditario perpetuo possidendas omni semota immutatione, que per eosdem vel ipsorum consanguineos propinquos vel remotos seu filios ipsius comitis M. vel ipsorum posteros qualicunque modo inposterum poterit evenire, se etiam obligando predicti fratres dominus G. et M., quod si aliquis ipsos indebite inpecierit, fratres videlicet de Camenez sepius tactos debite pro eisdem bonis ipsos defensare et pro eis stare tenentur eos a talibus eripiendo. Promiserunt etiam abbas et fratres pretaxati domino Gerlaco vite sue temporibus annuatim in solutionibus octo marcas argenti et villam ipsorum domui adiacentem que Istebca nunccupatur cum omnibus utilitatibus ad eandem villam pertinentibus, que tamen ipso domino G. ab hac vita descedente ad domum Camenecensem cum omnibus rebus tam mobilibus quam immobilibus que in ipsa reperte fuerint sine obstaculo revertatur. Ne igitur propter inexpertorum dubitationem hanc ordinationem coram nobis factam contingat inposterum frivole revocari, presens scriptum sigillis nostro et ipsorum domini G. et comitis M. fecimus communiri. Acta sunt in Vratislavia anno domini M°. CC°. LX°. II°. pridie Idus Aprilis presentibus comite Iohanne de Virbna, comite Radslao iudice, comite Dirsyslao, comite Wilzcone de Sossno, comite Nycolao filio Segote, Ewrardo serviente nostro et aliis quam pluribus. Datum per manum domini Ottonis notarii curie nostre.

Or. Perg, in duplo. An rothseidenen Fäden bei beiden Exemplaren die Siegel des Propstes Gerlacus und des Grafen Mrosco; das S. des Herzogs an gleichfarbigen Seidenfäden nur bei A. noch vorhanden. Pfotenhauer, Siegel S. 2 (A. I. 1) und S. 26 (B I, 6). Regesten No. 1113. Gedr. bei Stenzel, Jahresbericht 1841, S. 172.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.